هند صبري ... ممثلة جميلة .. معظم المصريين يحبونها .. و لها من المعجيبن الكثير في مصر و خارج مصر ...
طبعا إلى الآن البوست لا يعبر عن أي شئ !!
الخبر القادم هو ما كتبت من أجله هذا البوست .....
حملة تليفزيونية لمحمود ياسين وهند صبري لصالح ضحايا هاييتي
لصالح مين ؟؟؟
تقصد ضحايا السيول في مصر ؟؟؟
لالالالا .. صحايا زلزال هاييييييييييييتيييييييييييييي ...
الله ؟؟؟؟؟
هو مش محمود ياسين مصري برضه ؟؟؟
و هند صبري مش منتمية لمصر برضه (( بشكل أو بآخر )) ؟؟؟
أمال إيه اللى بيحصل ؟؟؟
مشفناش يعنى حد منهم عمل حاجة زى الحملة دي لضحايا السيول في مصر !!!
غريبة !!!
طيب ... أكيد فيه حد تانى عمل حملة لصالح الناس بتوع السيول دول ...
يمكن أبو تريكة ؟؟؟
ماهو أبو تريكة عمل حملة قبل كده لصالح غزة و أهل غزة ...
بس ده محصلش المرة دي مع متضرري السيول !!!
رغم إن أبو تريكة مصري !!!
و متدين زى ما بنسمع !!!
و الناس بتحبه !!!!!
بس الراجل تقريبا مسمعش عن حكاية السيول دي زى ما محمود ياسين و هند صبري برضه مسمعوش عنها !!!
طيب ... الإخوان المتأسلمين - عفوا الإخوان المسلمين - أرسلوا معونات عاجلة إلى أهل غزة ..
طب و متضرري السيول في مصر ؟؟؟
محدش منهم عمل حاجة يعني !!!
مسمعناش حد منهم طلع يزعق و يقول إن الناس مفروض تساعد إخوانهم في العريش زي ما سمعناهم بيزعقوا و يقولوا إن الناس مفروض تساعد إخوانهم في غزة !!!
مسمعناش عن أى حد عمل أى حاجة غير نقابة الأطباء اللى بعتت بطاطين و مراتب و حاجات زى دي للمتضررين و هتعمل عمليات زرع قرنية لبعض الناس هناك مع إني مش عارف إيه العلاقة بين زرع القرنية و بين عمليات الإغاثة
و طبعا الحزب الوطنى بعت مساعدات
و القوات المسلحة هى اللى شالت الليلة كلها و هي اللى أنقذت كل الناس اللى هناك و لولاها بجد كانت الخسائر أصبحت أضعاف اللى حصل
دى قائمة بالخسائر حسب الإحصائيات الرسمية :
- الخسائر البشرية
- أدت السيول الجارفة إلى مصرع ( 13 ) شخصا "من بينهم سائح أجنبى وإصابة 49 آخرين بالاضافة إلى تضرر 401ر12 ألف شخص
وذلك على النحو التالى
الخسائر البشرية من جراء السيول
المحافظة وفيات مصابين متضررين
شمال سيناء 5 10 11000
اسوان 4 1 جار الحصر
جنوب سيناء 2 24 1295
البحرالأحمر 2 14 106
الاجمالى 13 49 12401
- الخسائر المادية من جراء السيول :
أسوان :
- سقوط 10 أبراج كهرباء ضغط عالى و41 عمود جهد منخفض بالإضافة إلى موصلات كهربائية معزولة.
- إنهيار عدد 391 منزلا من الطوب اللبن بمركز أسوان بالمناطق التالية : (الأعقاب الكبرى - الشديدة - نجع الشيخ على - اللقطة).
شمال سيناء :
- تهدم 3 منازل بمنطقة المنبطح ، و20 منزلا بمنطقة نخل ، وانهيار 780 منزلا بمراكز :العريش ، الشيخ زويد ، رفح ، الحسنة ، نخل ، بالإضافة إلى 1076 منزلا تم غمرها بالمياه.
- سقوط 827 عامود كهرباء جهد منخفض و38 عامود كهرباء جهد متوسط.
- قطع بطريق صدر الحيطان ، الحسنة ، نخل ، وبالطريق الدولى من طريق الجيش حتى وصلة على إبن أبى طالب.
- انهيار عدد 72 طريقا مما أدى إلى عزل الجزء الشرقى من مدينة العيش عن الجزء الغربى.
- إنهيار 18 خزان مياه ، و5 محطات للصرف الصحى.
- تعطل مراكز الإتصالات بالمحافظة بسبب قطع الكابلات. البحر الأحمر :
- قطع فى طريق الزعفرانة / رأس غارب عند الكيلو 60.
- إطفاءات شديدة فى طريق سفاجا / القصير عند الكيلو 30.
- قطع فى طريق سفاجا / قنا عند الكيلو 42/16.
- قطع بطريق قفط / القصير.
قنا :
- تصدع بالطريق الأسفلتى قفط / القصير بالكيلو 55.
- حدوث تشققات وتلف بالطبقة الأسفلتية بالكيلو 40 ، وكذلك حدوث هبوط أرضى بأماكن متفرق مابين الكيلو 55 حتى الكيلو 70.
جنوب سيناء :
- تهدم 34 منزل بقرية أبوصويرة ، ومنزل واحد بمدينة رأس سدر.
- سقوط 15 عامود كهرباء داخل مدينة رأس سدر.
- أعطال فى بعض بوكسات الكهرباء فى بعض الأماكن بمنطقة طريق السلام بشرم الشيخ.
- سقوط 17 عامود كهربائى هوائى - إنارة فى الطريق الرئيسى بمنطقة الجراجرة - أبوصويرة.
- قطع أجزاء من طريق طور سيناء / النفق (من الكيلو 9 حتى كمين عيون موسى) وطريق طور سيناء / شرم الشيخ أمام رأس كنيسة ، وكذلك هبوط جزء من طريق شرم الشيخ / دهب.
- بعض الإنهيارات الأرضية فى الأسفلت بأماكن محدودة على جانبى الطرق التالية : طريق السلام ، الطريق السياحى ، الطريق الدائرى بمدينة شرم الشيخ.
- سقوط بعض علامات المرور الإرشادية على جانبى الطرق الرئيسية بمدينة شرم الشيخ ، وهى : الطريق الدائرى ، ومنطقة السوق التجارى.
هو بس سؤال أنا نفسي أسأله : هو إيه اللى بيحصل ؟؟؟هما الناس اللى بيعملوا حملات و بيتبرعوا دول فلوسهم و مجهوداتهم بتطلع بس لما تبقى المشكلة برة مصر و لما تكون المشكلة داخلية منسمعش صوت حد ؟؟؟
فين الناس ؟؟؟
و فين الحملات دى ؟؟؟
ولو مكناش إحنا اللى نقف جنب الناس دول مين اللى هينجدهم و يساعدهم ؟؟؟؟
بجد حاجة غريبة فعلا !!!!!!!!!
مش عارف إحنا وصلنا للدرجة دى إزاى
مصادر الأخبار أهى :
http://www.ndp.org.eg/ar/News/ViewNewsDetails.aspx?NewsID=63328
http://www.filfan.com/News.asp?newsid=14583
