Saturday, September 25, 2010

أوراق قديمة

مش عارف ليه النهاردة قلبت في أوراقي القديمة

و لقيت حاجات قديمة من أيام الجامعة ....

مش عارف ليه حسيت فجأة إن أنا ضاعت مني حاجات كتيرة أوي كانت ممكن تكون ليا ...

و حسيت بجد إن اللي ضاع مش ممكن أبدا يتعوض .. مفيش حاجة ولا حد في الدنيا يقدر يعوضني عن اللي ضاع مني ...

بس للأسف ... ندمت بعد فوات الأوان .....

بقالي كتير أوي بندم على حاجات كتير أوي ضاعت مني ...

و متضايق جدا جدا جدا من الحالة دي ...

لأني مش متعود على حاجة زي كده .. و مش حابب الإحساس السيئ ده أبدا ...

بحاول أخرج منه و مش عارف ......

إدعولي

6 comments:

MR.PRESIDENT said...

أنا مش ععمل عليك حكيم
بس القرب من الله يخرج مما انت فيه
حب الله والخوف منه

وثانيا افصل دماغك عن المؤثرات السلبيه
وشغلها لما يكون في حجات اجابيه
غير المكان اللي انت فيه
يعني اتفسح

وايقن أنه كله خير
كله خير

Ramy said...

شوف بقى

السيد الرئيس عنده حق

بس كمان انا عارف الشعور صعب و الأصعب البعد عنه

بس صدقنى اللى حصل حصل مش هتعرف تغير و لا ترجع حاجة فالزعل هيكون شيىء

ملهوش اى لازمة غير انه يعكننك

ربنا معاك

sal said...

ليس هناك معنى ولا قيمة ولا فائدة ترجى من البكاء على اللبن المسكوب

اسمع كلام الريس
وتجاوز هذه الوساوس

اتمنى لك كل الخير

آخر أيام الخريف said...

حد فى الدنيا يبقى عنده مدونة حلوة زى دى و يكتئب ؟؟؟ :))))

هتابعك ان شاء الله من هنا و رايح و يسعدنى جدا تشريفك مدونتى ...

http://reeeshkalam.blogspot.com/

هستنى رأيك

H@mdy said...

فعلا الندم علي اللي فات لا يفيد
خليك واقعي وزي ما بيقولو عيش اللحظة
ربنا يخرجك من اللي انت فيه علي خير

نحياتي

Sam Sh said...

Mr. President:
بحاول أقرب من ربنا والله بجد ... بس مش عارف أفصل دماغي خالص ولا ليا نفس أعمل أي حاجة أصلا
----------------
رامي :
المشكلة هي إن اللي حصل حصل .. هي دي المشكلة فعلا و ياريتني بجد اقدر أرجع بعمري علشان أغير كل اللي عملته
----------------
سال:
فعلا .. عندك حق .. لا جدوى من البكاء على اللبن المسكوب .. و لكني لا أستطيع التوقف عن ذلك أيضا
----------------
آخر أيام الخريف :
ده من ذوقك بس ... بجد نورتيني فعلا
----------------
حمدي :
ماهو المشكلة إن اللحظة اللي أنا عايشها مالهاش نهاية .. مش هعرف أخرج منها .... للأسف
شرفتني يا أبو حميد