متلومنيش

متقوﱢليش ..

إن أنا هقدر .. و إن أنا هوصل ..

و الدنيا واقفة مبتمشيش ...

و ماتلومنيش ......

أصرخ أزعق ... مبتسمعنيش ..

أبكي و أدمع ... مبتشوفنيش ..

و متحكيش ...

عن بكرة و بعده ..

و عن أحلام إستنيتها ...

و مبتجيش ..

و متعمليش ...

متعمليش نفسك مش فاهم ..

و إوعى تقولي إن أنا واهم ..

و إن الدنيا جميلة و حلوة ..

و إن أنا اللي مش عايز أعيش ..

و متحلمليش ..

و متحلمليش بمستقبل ..

و إنت الحاضر كله .. مفيش

و الماضي مفيش ...

و المسقبل ؟؟

بس كفاية .. أرجوك متفكرنيش ..

و سيبني أحاول أعيش ..

ماهي مش فارقة ..

أصرخ أزعق ... مبتسمعنيش ..

أبكي و أدمع ... مبتشوفنيش ..

بس إسمحلي هقولك حاجة ..

لما الماضي يبقى مفيش ..

و لما الحاضر يبقى مفيش ..

و لما الدنيا تفضل تاخد و متديش ..

يبقى كفاية خلاص أرجوك ..

متلومنيش ........