ده موقف حقيقي حصل معايا حبيت أحكيهولكم
و أنا في الشغل دخل الشركة واحد بيسأل على حاجة و بما إن أنا المسئول عن الكورسات بتاعة الكمبيوتر كلها فأنا اللي إستقبلته و دار الحوار التالي :
أنا : أهلا و سهلا يا أفندم .. أؤمر
- الله يخليك .. هي مش دي الشركة بتاعة الآى دي سي إن برضه ؟؟
و لأن السؤال ده عدى عليا كتير فتوقعت إنه بيسأل عن ال ICDL
فقلتله حضرتك قصدك ال آي سي دي إل
- تمام .. هي حاجة زي كده على ما أتذكر
أنا : أيوة يا أفندم .. هي دي
- كويس .. و الله أنا كنت بسأل عن نظام الكورسات هنا إيه ؟
فشرحتله نظام الكورسات عندنا عامل إزاي و تكلفته إيه
- و دي شهادة مهمة يعني ؟
أنا : طبعا .. دلوقتي معظم الشركات بتطلبها لما تقدم على أى وظيفة دا غير إنها مهمة للطلبة لأن شهادات التخرج بعد كده مش هتتسلم للطالب غير لما تكون معاه
- طيب .. و دي نظامها إيه بقى ؟؟
أنا : ما أنا قلت لحضرتك
- لا .. أنا قصدي نظام الشهادة
أنا : حضرتك دي شهادة دولية معتمدة من اليونسكو
- لا .. أنا قصدي نظام الإمتحانات
أنا : الإمتحانات تمنها كذا و هما عبارة عن 7 إمتحانات
- ولو مش عاوز أمتحن ؟
أنا : حضرتك ممكن تاخد الكورس من غير ما تمتحن بس في الحالة دي يبقى حضرتك مش هتاخد الشهادة الدولية
- ليه بس ؟؟ طب مش ممكن أدفع الضعف مثلا و آخد الشهادة من غير ما أمتحن ؟
أنا : لا طبعا مش ممكن .. حضرتك ده بيكون إمتحان دولي و فيه مرافب من اليونسكو موجود أثناء الإمتحان
- و ماله .. ياخد اللي هو عاوزه و يمشي الحكاية
أنا : مينفعش يا أستاذ طبعا الكلام ده
- يا باشمهندس أنا معايا كل الشهادات بتاعة ميكروسوفت و كلها بالشكل ده
أنا : إزاي يعني ؟
- أهو يا سيدي
و راح مطلعلي دوسيه فيه شهادات
MCP- MCSA- MCSE- MCTS Win7
أنا : بس حضرتك دي شهادات دولية كبيرة في مجال الشبكات و أكيد حضرتك أخدتها بعد إمتحانات كتيرة
- لا و الله .. ولا أعرف حتى الإمتحانات دي بتتعمل فين بس هو فيه واحد باشمهندس حبيبنا حب يخدمني فيهم فطلعهوملي و الشهادات دي كلها كده على بعض بحوالي 7000 جنيه
أنا : !!!!!!!!!!!!!
- مالك يا باشمهندس ؟؟ مش مصدقني ؟؟ طب عليا الطلاق هو ده اللي حصل
أنا : ممكن أعرف حضرتك مؤهلك إيه ؟
- أنا معايا إعدادية و فاتح سايبر في العمارة بتاعتي
أنا : !!!!!!!!!!!!!!!!
- الله ؟؟ هو فيه إيه يا بيه ؟؟ هو كل ما أقول لحضرتك حاجة تسكت و تستعجب ؟؟
أنا : لا و الله حضرتك .. أنا مش قصدي حاجة يعني .. بس أصل الشهادات دي عاوزة وقت و مذاكرة و حاجات كده يعني
- و الله دا الباشمهندس اللي بقول لحضرتك عليه ده خلصهوملي في 4 أسابيع بس .. طب تصدق بالله .. أنا ما بعرفش أقرا ولا أي حرف إنجليزي ولا عارف حتى الكلام اللي مكتوب على الشهادات دي إيه ؟
أنا : !!!!!!!!!!!!!!!
- نهايته .. حضرتك هتعرف تخلصلي الموضوع ده يا بيه ولا إيه ؟؟
أنا : لا و الله يا أستاذ .. مش هقدر
- طب ولو قلتلك إن أنا هدفع 2000 جنيه في الشهادة دي ؟؟
أنا : لا برضه .. أنا آسف جدا
- طيب .. تشكر .. سلامو عليكو
أنا : و عليكم السلام
- الله يخليك .. هي مش دي الشركة بتاعة الآى دي سي إن برضه ؟؟
و لأن السؤال ده عدى عليا كتير فتوقعت إنه بيسأل عن ال ICDL
فقلتله حضرتك قصدك ال آي سي دي إل
- تمام .. هي حاجة زي كده على ما أتذكر
أنا : أيوة يا أفندم .. هي دي
- كويس .. و الله أنا كنت بسأل عن نظام الكورسات هنا إيه ؟
فشرحتله نظام الكورسات عندنا عامل إزاي و تكلفته إيه
- و دي شهادة مهمة يعني ؟
أنا : طبعا .. دلوقتي معظم الشركات بتطلبها لما تقدم على أى وظيفة دا غير إنها مهمة للطلبة لأن شهادات التخرج بعد كده مش هتتسلم للطالب غير لما تكون معاه
- طيب .. و دي نظامها إيه بقى ؟؟
أنا : ما أنا قلت لحضرتك
- لا .. أنا قصدي نظام الشهادة
أنا : حضرتك دي شهادة دولية معتمدة من اليونسكو
- لا .. أنا قصدي نظام الإمتحانات
أنا : الإمتحانات تمنها كذا و هما عبارة عن 7 إمتحانات
- ولو مش عاوز أمتحن ؟
أنا : حضرتك ممكن تاخد الكورس من غير ما تمتحن بس في الحالة دي يبقى حضرتك مش هتاخد الشهادة الدولية
- ليه بس ؟؟ طب مش ممكن أدفع الضعف مثلا و آخد الشهادة من غير ما أمتحن ؟
أنا : لا طبعا مش ممكن .. حضرتك ده بيكون إمتحان دولي و فيه مرافب من اليونسكو موجود أثناء الإمتحان
- و ماله .. ياخد اللي هو عاوزه و يمشي الحكاية
أنا : مينفعش يا أستاذ طبعا الكلام ده
- يا باشمهندس أنا معايا كل الشهادات بتاعة ميكروسوفت و كلها بالشكل ده
أنا : إزاي يعني ؟
- أهو يا سيدي
و راح مطلعلي دوسيه فيه شهادات
MCP- MCSA- MCSE- MCTS Win7
أنا : بس حضرتك دي شهادات دولية كبيرة في مجال الشبكات و أكيد حضرتك أخدتها بعد إمتحانات كتيرة
- لا و الله .. ولا أعرف حتى الإمتحانات دي بتتعمل فين بس هو فيه واحد باشمهندس حبيبنا حب يخدمني فيهم فطلعهوملي و الشهادات دي كلها كده على بعض بحوالي 7000 جنيه
أنا : !!!!!!!!!!!!!
- مالك يا باشمهندس ؟؟ مش مصدقني ؟؟ طب عليا الطلاق هو ده اللي حصل
أنا : ممكن أعرف حضرتك مؤهلك إيه ؟
- أنا معايا إعدادية و فاتح سايبر في العمارة بتاعتي
أنا : !!!!!!!!!!!!!!!!
- الله ؟؟ هو فيه إيه يا بيه ؟؟ هو كل ما أقول لحضرتك حاجة تسكت و تستعجب ؟؟
أنا : لا و الله حضرتك .. أنا مش قصدي حاجة يعني .. بس أصل الشهادات دي عاوزة وقت و مذاكرة و حاجات كده يعني
- و الله دا الباشمهندس اللي بقول لحضرتك عليه ده خلصهوملي في 4 أسابيع بس .. طب تصدق بالله .. أنا ما بعرفش أقرا ولا أي حرف إنجليزي ولا عارف حتى الكلام اللي مكتوب على الشهادات دي إيه ؟
أنا : !!!!!!!!!!!!!!!
- نهايته .. حضرتك هتعرف تخلصلي الموضوع ده يا بيه ولا إيه ؟؟
أنا : لا و الله يا أستاذ .. مش هقدر
- طب ولو قلتلك إن أنا هدفع 2000 جنيه في الشهادة دي ؟؟
أنا : لا برضه .. أنا آسف جدا
- طيب .. تشكر .. سلامو عليكو
أنا : و عليكم السلام
الراجل مشي و سابني مزبهل !!! إفتكرت كل الوقت اللي أخدته و كل المجهود اللي عملته علشان أذاكر الشهادات دي كلها .. و هو ببساطة جدا 7000 جنيه و ياخد الشهادات دي ... عادي جدا !!!! و مستعد يدفع 2000 جنيه في شهادة كل تكلفتها بإمتحاناتها حوالي 800 جنيه !!!! يا بلاش !!!! أنا كنت عارف إن كل الحاجات تقريبا في مصر متعلقة بحاجتين : أول حاجة : إنت إبن مين ؟؟ و تاني حاجة : هتدفع كام ... بجد و الله مش عارف إزاي المفروض نتقدم أو يكون لينا مكان بين الشعوب الكبيرة و الدول المتقدمة بالطريقة دي !!! الواحد خلاص بجد قرب ييأس
9 comments:
بجد بحيك عشان انت راجل محترم ..
وقريب هيجي الوقت اللي احنا هنغير فيها مصر
صدقني
الظلم ربما يقعد 10 20 30 سنة بس فيه وقت الناس هتقول جااااااي
ولا تقولي النظام ولا غيره .
تحياتي بس مقلتش ايه نظام الدورات عندكو ب 2000 جنية ولا بالامتحانات ههه بهزر طبعا
يسلم ضميرك .
:)))
MR.PRESIDENT :
أشكرك لمرورك و إهتمامك و مجاملتك الجميلة
و أتمنى أن ينصلح حال الجميع قريبا ..
و الكورسات كلها ليك ببلاش يا سيدي بس إنت تشرفنا
:)
تحياتي القلبية
هههههههههه
اسمحلي اضحك من همي
ومعنديش ادني تعليق
فالنزاهة والشفافية منتشرة ف بلدنا ومحدش ينكر
كل ده ب 7000 جنيه بس؟؟؟
طيب بجد يا بلااااااااش
هو ده عرض المصرية للاتصالات ... ماتفوتوش
ههههههه
اللي زي ده واللي بيساعدوه هم اللي واخدين مكان ناس كتير اكفأ وأحق منهم وعلشان كده هانفضل نعاني من الظلم وحقوقنا هاتفضل ضايعة
وناس هاتفضل تحت وهكانة فوق وناس مالهاش مكان اصلا ومع ذلك سرقت القمة
لكن هي الدنيا .. فيها الخير وفيها الشر
وفيها الحق وبرده فيها الظلم
فيها الامانة وفيها الفهلوه
والصراع هايفضل .. لكن .. البقاء للأقوي
ويبقي السؤال: من هو الأقوي؟؟
يا نهااااااااار اسوح ده انا طلع عينى وايمانى على ما اخدت ال icdl
يالهوييييز يا سامح انت ليه عايش يعنى كده وعادى ههههههه
انا بجد مش عارفة اقولك ايه والله مش لاقية رد غير حسبى الله ونعم الوكيل
رضوى :
صدقيني أنا بقالي كتير أوي بضحك من همي
---------------------
أميرة :
حاليا : الأقوى هو اللي معاه فلوس أكتر .. أما اللي ممعاهوش بينداس بجد و إنتي من أكتر الناس اللي عارفين كده
----------------------
منونة :
شفتي بقى ؟؟؟
يعني لو كنتي فتحتي مخك مع الناس بتوع ال آي سي دي إل كنتي ممكن تاخديها و إنتي في بيتك ب 2000 جنيه
:))
عندك حق
مابقتش المباديء دلوقتي ليها قيمة
بس للاسف احنا مانقدرش نتخلي عنها
انا كمان عاوزة اضحك بس ضحكتي بسخرية
للدرجة دي والله غريبة جداااااا
هقولك اية غير ربنا يرحمنا برحمتة
شكرا لك
شذا :
صدقيني كلنا بقينا بنضحك .. هم يضحك و هم يبكي زي ما بيقولوا ...
شكرا على مرورك الجميل
تحياتي
:)
Post a Comment