الحياة وقت

الحياة وقت .. و من يضيع وقته ... يضيع حياته

و ده اللي أنا بعمله بالظبط دلوقتي ..
بضيع حياتي ..
المهم إن أنا عارف الحكاية دي .. بس العجيبة بقى إن أنا مش عارف أعمل حاجة !!
آه بجد صدقوني .. مش عارف فعلا أعمل حاجة !!!
و كأني أدمنت حكاية الضياع دي و حياتي من غيرها بقت شبه مستحيلة !!
على الرغم من إن الإحساس ده مؤلم جدا جدا جدا ... لكن مش لاقي حاجة ممكن تخرجني من الشعور ده !!
كل حاجة أنا بعملها بضيع بيها حياتي !!
و كل خطوة بمشيها بتكون في طريق أنا مش عاوز أكمل فيه !!
بس للأسف .. كل ده بيحصل غصب عني فعلا .. و ده مسببلي مشكلة حقيقية لأني بقيت مش طايق نفسي ولا طايق حد يكلمني .. و بالتالي بقيت عصبي جدا لأني حاسس إن أنا ماليش مستقبل في الطريق ده و رغم كده مش عارف أخرج منه !!
دوامة كبيييييييييييرة ... و كل حاجة بتسلمك لحاجة تانية و الحاجة التانية تسلمك لحاجة تالتة و هكذا إلى مالانهاية !!!
بجد تعبت جدا و نفسيتي بقت زى الزفت
و برضه مكمل في الطريق اللي أنا ماشي فيه
!!!!!!!!!