Saturday, May 29, 2010

وداعا .. أسامة أنور عكاشة


تنعى المدونة ببالغ الحزن و الأسى عميد الدراما التليفزيونية الأستاذ العظيم

أسامة أنور عكاشة

الذي إستطاع أن ينقش إسمه بكلمات من ذهب و حروف من نور على تاريخ الدراما التليفزيونية و تربع على عرش قلوب الآلاف من محبي متابعة سيناريوهاته الرائعة الجادة التي عبرت كثيرا جدا عن أحوال معظم المصريين من كل الطبقات و ربى جيلا كاملا من الشباب على القيم النبيلة التي كان يزرعها في طيات أعماله المتميزة
فاليوم .. فقدت مصر مفكرا كبيرا و كاتبا متميزا و شخصية عظيمة قلما يوجد مثلها الآن و كان الراحل من ابرز الكتاب الذين اعادوا الاعتبار الى مؤلف الدراما المصرية بمسلسلاته التلفزيونية التي ارتبطت بممثلين بارزين منهم فاتن حمامة في "ضمير ابلة حكمت"، ومحمود مرسي في "لما التعلب فات"، ومحمود المليجي في "وقال البحر" ويحي الفخراني في أكثر من عمل وأهمها "ليالي الحلمية" و صلاح السعدني في " أرابيسك "

ويعتبر مسلسل "الشهد والدموع" الذي حقق نجاح جماهيري كبير لدى عرضه أول عمل قوي يدشن أسم أسامة أنور عكاشة في مجال الدراما وتوالت بعده العديد من الأعمال التليفزيونية المتميزة والتي وصلت إلى 40 مسلسلاً تقريبًا، وحققت نجاحًا كبيرًا على المستويين النقدي والجماهيري ونذكر منها على سبيل المثال لا الحصر في مجال الدراما ، ليالي الحلمية، ضمير أبلة حكمت الذي قدمته فاتن حمامة، زيزينا، المشربية، أنا وأنت وبابا في المشمش، أرابيسك، أميرة في عابدين، أحلام في البوابة، رحلة السيد أبو العلا البشري، كناريا وشركاه، المصراوية وهو المسلسل الذي تم بث جزئين منه وكان من المقرر ان يتم تصوير 3 أجزاء أخرى، كما كان يستعد أيضا لتقديم مسلسل تنابلة السلطان مع المخرج الكبير إسماعيل عبد الحافظ، حيث كان ينتظره عكاشة لحين انتهائه من تصوير مسلسله الجديد أكتوبر الأخر.

و بكل المقاييس .. فقدت مصر أسامة أنور عكاشة عن عمر 69 عاما و بعد صراع مع المرض ... فقدت مصر أحد أبنائها العظام من الجيل الذى بنى و عمر و تحمل .... فقدت مصر واحدا من أعظم الكتاب على الإطلاق

وداعا ... أسامة أنور عكاشة

Thursday, May 27, 2010

تمرد

ليس لي أن أجبرك على إتباعي .. ولا يمكنك أنت أيضا أن تجبرني على تصديقك ... أنت حر .. و أنا أيضا حر .. لا معنى لحديثي معك إذا كنت سأجبرك على أن تتقبله .. ولا داع لحديثك معي إذا كنت لن تقبل إختلافي معك .... فأنا لست مريضا بداء التسلط .. ولن أسمح لمتسلط أن يتعامل معي من برجه العاجي ...
أنا لست أحد أملاكك .. و أنت أيضا لست ملكا لي .. كلانا له ما له في هذه الدنيا .. و كلانا يستحق أكثر مما يمتلك الآن ..
لا تظن أنني لن أقدر على التمرد .. و أنني
لن أجد للحرية منك سبيلا ..
ولا تتوهم بأنك تمتلكني تمام الإمتلاك .. أنا لم أكن يوما ملكا إلا لمن أريد أن أكون ملكا له ... ولن أسعى يوما أن أضعك تحت سيطرتي .. فأنا كما قلت لك لست مريضا بداء التسلط ...
قد تضعني الأقدار يوما أمامك .. فلا تحاول كسري .. أو قهري .. أو إضعافي .. أو إذلالي ..
لأنني سأتمرد ..
دعني أنصحك شيئا ...
لا تحاول أن تكسر من لا شئ لديه ليخسره ..
فقد يكون متمردا يحطم عالمك .. و يدمر أحلامك ..
و تكون أنت الخاسر الوحيد .. لأنه ليس لديه أصلا ما يخسره ..
لا تحاول أن تظلمني .. فأنا لن أسكت ..
سأملأ الدنيا صخبا و ضجيجا ..

سأصيح مفتضحا ظلمك على الملأ ..
حتى يرجع حقي إلي مرة أخرى ..
و حتى و إن لم يرجع ...
فستكون أنت أحد الخاسرين معي أيضا ...
لا تحاول أن تجعلني أبكي أمامك ..
فأصحاب القلوب المحطمة لم يعد لديهم أصلا ما يستشعر
ون به الأحزان ..
و نصيحة أخيرة ..
مهما بلغت قوتك ..
لا تحاول أن تقيم حربا علي ..
ففي الحرب ..
كلنا نخسر ...

و إذا لم يكن لدي ما أخسره ...
فأعدك حينها بأنني سأجعلك مثلي ...
ليس لديك من حطام الدنيا شئ ...
سوى قلب محطم ...
لم يعد يشعر بالألم ..
ولا بالأمل ................


إحدى فضفضاتي ..
27/5/2010


Wednesday, May 26, 2010

أهلي و زمالك

الأهلي يهزم الزمالك 3-1 مع الرأفة



Friday, May 21, 2010

قطر و إسرائيل


خبر جميل جدا ..
أسيبكم تقروه و مش عاوز أي حد من بتوع قناة الجزيرة يفتح بقه تاني على العلاقات اللي بين مصر و إسرائيل أبداااااااا






Sunday, May 16, 2010

آي دي سي إن

ده موقف حقيقي حصل معايا حبيت أحكيهولكم
و أنا في الشغل دخل الشركة واحد بيسأل على حاجة و بما إن أنا المسئول عن الكورسات بتاعة الكمبيوتر كلها فأنا اللي إستقبلته و دار الحوار التالي :
أنا : أهلا و سهلا يا أفندم .. أؤمر

- الله يخليك .. هي مش دي الشركة بتاعة الآى دي سي إن برضه ؟؟

و لأن السؤال ده عدى عليا كتير فتوقعت إنه بيسأل عن ال ICDL

فقلتله حضرتك قصدك ال آي سي دي إل

- تمام .. هي حاجة زي كده على ما أتذكر

أنا : أيوة يا أفندم .. هي دي


- كويس .. و الله أنا كنت بسأل عن نظام الكورسات هنا إيه ؟

فشرحتله نظام الكورسات عندنا عامل إزاي و تكلفته إيه

- و دي شهادة مهمة يعني ؟

أنا : طبعا .. دلوقتي معظم الشركات بتطلبها لما تقدم على أى وظيفة دا غير إنها مهمة للطلبة لأن شهادات التخرج بعد كده مش هتتسلم للطالب غير لما تكون معاه

- طيب .. و دي نظامها إيه بقى ؟؟

أنا : ما أنا قلت لحضرتك


- لا .. أنا قصدي نظام الشهادة

أنا : حضرتك دي شهادة دولية معتمدة من اليونسكو

- لا .. أنا قصدي نظام الإمتحانات

أنا : الإمتحانات تمنها كذا و هما عبارة عن 7 إمتحانات

- ولو مش عاوز أمتحن ؟

أنا : حضرتك ممكن تاخد الكورس من غير ما تمتحن بس في الحالة دي يبقى حضرتك مش هتاخد الشهادة الدولية

- ليه بس ؟؟ طب مش ممكن أدفع الضعف مثلا و آخد الشهادة من غير ما أمتحن ؟

أنا : لا طبعا مش ممكن .. حضرتك ده بيكون إمتحان دولي و فيه مرافب من اليونسكو موجود أثناء الإمتحان

- و ماله .. ياخد اللي هو عاوزه و يمشي الحكاية


أنا : مينفعش يا أستاذ طبعا الكلام ده

- يا باشمهندس أنا معايا كل الشهادات بتاعة ميكروسوفت و كلها بالشكل ده

أنا : إزاي يعني ؟

- أهو يا سيدي

و راح مطلعلي دوسيه فيه شهادات
MCP- MCSA- MCSE- MCTS Win7

أنا : بس حضرتك دي شهادات دولية كبيرة في مجال الشبكات و أكيد حضرتك أخدتها بعد إمتحانات كتيرة

- لا و الله .. ولا أعرف حتى الإمتحانات دي بتتعمل فين بس هو فيه واحد باشمهندس حبيبنا حب يخدمني فيهم فطلعهوملي و الشهادات دي كلها كده على بعض بحوالي 7000 جنيه

أنا : !!!!!!!!!!!!!

- مالك يا باشمهندس ؟؟ مش مصدقني ؟؟ طب عليا الطلاق هو ده اللي حصل

أنا : ممكن أعرف حضرتك مؤهلك إيه ؟

- أنا معايا إعدادية و فاتح سايبر في العمارة بتاعتي

أنا : !!!!!!!!!!!!!!!!

- الله ؟؟ هو فيه إيه يا بيه ؟؟ هو كل ما أقول لحضرتك حاجة تسكت و تستعجب ؟؟

أنا : لا و الله حضرتك .. أنا مش قصدي حاجة يعني .. بس أصل الشهادات دي عاوزة وقت و مذاكرة و حاجات كده يعني


- و الله دا الباشمهندس اللي بقول لحضرتك عليه ده خلصهوملي في 4 أسابيع بس .. طب تصدق بالله .. أنا ما بعرفش أقرا ولا أي حرف إنجليزي ولا عارف حتى الكلام اللي مكتوب على الشهادات دي إيه ؟

أنا : !!!!!!!!!!!!!!!

- نهايته .. حضرتك هتعرف تخلصلي الموضوع ده يا بيه ولا إيه ؟؟

أنا : لا و الله يا أستاذ .. مش هقدر

- طب ولو قلتلك إن أنا هدفع 2000 جنيه في الشهادة دي ؟؟


أنا : لا برضه .. أنا آسف جدا

- طيب .. تشكر .. سلامو عليكو

أنا : و عليكم السلام

الراجل مشي و سابني مزبهل !!! إفتكرت كل الوقت اللي أخدته و كل المجهود اللي عملته علشان أذاكر الشهادات دي كلها .. و هو ببساطة جدا 7000 جنيه و ياخد الشهادات دي ... عادي جدا !!!! و مستعد يدفع 2000 جنيه في شهادة كل تكلفتها بإمتحاناتها حوالي 800 جنيه ‍!!!! يا بلاش !!!! أنا كنت عارف إن كل الحاجات تقريبا في مصر متعلقة بحاجتين : أول حاجة : إنت إبن مين ؟؟ و تاني حاجة : هتدفع كام ... بجد و الله مش عارف إزاي المفروض نتقدم أو يكون لينا مكان بين الشعوب الكبيرة و الدول المتقدمة بالطريقة دي !!! الواحد خلاص بجد قرب ييأس


Friday, May 14, 2010

زمن الحمير


المعجزات كلها في بدني ...
حي أنا .. لكن جلدي كفني ...
أسير حيثما أشتهي .. لكنني أسير ...
نصف دمي بلازما .. و نصفه الآخر خبير ...
مع الشهيق دائما يدخلني .. و يرسل التقرير في الزفير ...
و كل ذنبي أننى آمنت بالشعر .. و ما آمنت بالشعير...
في زمن الحمير .....................................


كلمات الشاعر / أحمد مطر

Sunday, May 9, 2010

جنون الكورة


نشرت الصحف (عشرين مليون جنيه لأبوتريكة ليرتدى الفانلة البيضاء) بينما المواطن مستعد أن يأخذ عشرين جنيهاً فقط ويقف بدون فانلة أو شورت

جلال عامر - المصري اليوم

إيه الجنان ده ؟؟؟
الناس مش لاقية تاكل و واحد هياخد عشرين مليون جنيه علشان ينضم لفريق معين ؟؟؟
بالذمة دي مش حاجة تجيب إحباط للشباب اللي مرمي على القهاوي مش لاقي شغل رغم إنه خريج كلية أو خريج صنايع و معاه صنعة زي ما بيقولوا ؟؟
دا إيه الناس الغريبة دي ؟؟
و الموضوع مش على أبو تريكة و بس .. ده على الكورة بشكل عام .. لأن معظم اللاعبين بياخدوا مبالغ زى دي تقريبا
أنا من وجهة نظري ده سفه إقتصادي و إهدار لأموال كانت ممكن تقضي على بطالة مصر بحالها لو شغلنا كل الفلوس اللي بنديها للعيبة دول
بجد حاجة تحرق الدم

Saturday, May 8, 2010

فوقوا بقى


سوف يستمرون فى وعودهم بأن يملأوا مصر بالوظائف ويملأوا البلد بالشقق ويملأوا الوطن بالمصانع حتى يأتى يوم نملأ فيه «الجردل» من سفارة أوغندا

جلال عامر - المصري اليوم